Бразислкиот фудбалер од редовите на Реал Мадрид, Винисиус Жуниор често пати има проблеми со навреди на расна основа на натпреварите во Шпанија, а по неговата последната изјава веројатно и уште повеќе ќе го навлече гневнот на противничките навивачи.

Во интрвјуто за „Си-Ен-Ен“, Винисиус побара на Шпанија да и се одземе домаќинството на Мундијалот во 2030 година, доколку проблемите продолжат да се повторуваат.

„Има време до 2030 година да се променат работите, но доколку ситуацијата не се промени, на Шпанија треба да и се одземе Светското првенство. Се надевам државата ќе сфати колку е сериозно кога некој те навредува поради бојата на кожата“, изјави Винисиус.

Шпанија Мундијалот во 2030 година треба заеднички да го организира со Португалија и Мароко.