Вилински кругови: Мистеријата на најстарата пустина во светот никој не знае да ја објасни

Иако локалното население во Намибија ги нарекува уште и кругови на смртта, а жителите се плашат да им се приближат, овој африкански феномен кој со десетлетија ги збунува научниците во светот е познат и под името вилински кругови. Чудните кругови се појавуваат, а потоа, по неколку десетлетија исчезнуваат. Помалите кругови траат во просек околу 24 години, додека поголемите можат да постојат дури и до 75 години.

Mysterious fairy circles - Angola

И научниците и лаиците шпекулирале дека тоа се остатоци од удар на метеор, места каде што зебрите се фрлаат по земјата, токсините од билката еуфорбиа, бактерии, магнетизам или други енергетски полиња или дури и локализирани радиоактивни места.

До неодамна се сметало дека мистеријата е решена кога германскиот биолог Норберт Јургенс навел дека оваа необична појава е резултат на песочните термити. Претпоставувал дека круговите настануваат кога термитите се хранат, а со растење на оваа заедница во изолираниот екосистем, и обемот на кругот се зголемува.

Footprint of the God

Неговата теза ја оспориле многу научници кои се занимаваат со овој феномен. Тие тврдат дека термитите се распоредени во неправилни роеви и дека не би биле во состојба да формираат вакви правилни облици.

Засега само едно нешто е очигледно – никој со сигурност не може да ги објасни милионите мистериозни кругови кои се појавуваат во најстарата пустина во светот.

Fairy circles

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот