Вилата на некогашниот мексикански наркобос продадена на аукција за 2 милиони долари
Кариљо Фуентес бил еден од најмоќните наркобосови во Мексико во текот на последните две децении од 20. век.
Мексиканските власти на аукција ја продадоа вилата на покојниот наркобос Амадо Кариљо Фуентес во Мексико Сити за нешто повеќе од два милиони долари.
Како што наведува Би Би Си, приходот од продажбата ќе биде пренесен во мексиканскиот систем на јавно здравство за борба против коронавирусот.
На аукцијата, за луксузната вила со површина од 3.500 метри квадратни, бил заинтересиран само еден купувач кој понудил нешто помалку од бараните 2,17 милиони долари.
Куќата има базен, џакузи, бар и вински подрум, а опкружена е со големи градини.
Кариљо Фуентес бил еден од најмоќните наркобосови во Мексико во текот на последните две децении од 20. век.
Поради тоа што криумчарел големи количества дрога со својата приватна флота авиони, доби прекар „Господар на небото“, а почина во 1997 година, од последиците на успешна пластична операција чија цел била промена на неговиот личен опис за да може да избегнува апсење.
Хирурзите кои извршија операција се убиени неколку месеци, а на нивните тела се пронајдени траги од мачење.