Виландер: Ѓоковиќ во моментов е непобедлив!
Поранешниот најдобар тенисер на светот, Матс Виландер зборуваше за сегашната форма на првиот светски рекет после најновата победа против Британецот Кајл Едмунд.
Српскиот ас моментно е непобедлив кој во третото коло на грен слем турнирот „УС Опен“ ќе ги одмери силите против Германецот Јан-Ленард Штруф.
Виландер воглавно го „критикуваше“ Ноле, но сега одвои пофални зборови.
– Мислам дека Новак ќе се заблагодари себеси што го загуби првиот сет од Едмунд, бидејќи тоа го натера да игра од негатива. Тоа е добра вежба – не е лесно кога треба да добиете три од следните четири сета. Мислам дека тоа навистина му помогна, и тоа ќе биде особено важно во дуел со играч како Штруф, кој цело време сервира „бомби“ и ризикува. Јан-Ленард ќе биде добро подготвен.
Во исто време се чинеше дека Новак ужива во својот свет во кој нема навивачи да му дофрлуваат. Сега сè зависи од него – Штруф може да биде проблем доколку Ѓоковиќ изгуби концентрација, но во моментов не можам да замислам дека тоа ќе се случи. Новак во моментов е непобедлив – вели Швеѓанецот, кој работи како спортски новинар.