Поранешниот шведски тенисер Матс Виландер изјави дека најдобриот српски тенисер Новак Ѓоковиќ до крајот на кариерата има шанса да освои од два до пет Грен слем турнири.

Моментно на вечната листа Ѓоковиќ и Рафаел Надал од Шпанија имаа по 22 грен слем титули, зад нив пензионираниот Рожер Федерер (Швајцарија) застана на 20.

Виландер смета дека на Ѓоковиќ му одговара да биде што е можно свеж и здрав пред следните Грен слемови.

– Ѓоковиќ ја игра играта на проценти. Што значи дека неговата долговечност ќе му овозможи да освои уште два до пет Грен слем трофеи. Бројките го кажуваат тоа: од неговата прва победа на Австралија опен до денес, тој освојува меѓу 1,3 и 1,4 грен слем пехари годишно. Така, доколку остане здрав и фит, ќе има големи шанси да освои уште неколку големи трофеи во наредниот период – прогнозира легендарниот Швеѓанец.

Предуслов за сето ова е Ѓоковиќ да ги надмине повредите:

– Дали ќе биде на Вимблдон, Ролан Гарос или УС Опен, не е важно, Ѓоковиќ знае дека има шанса само да остане здрав. А долговечноста значи дека испраќа порака до ривалите: „Еј момци, не сум стар, се чувствувам млад“. Изгледа младо и ќе ги освојува најголемите турнири сè додека е здрав – изјави Виландер.