Викторија Бекам ќе ја дизајнира венчаницата за својата снаа
Модната дизајнерка и поранешна пејачка во групата „Спајс грлс“, Викторија Бекам, ќе ја дизајнира венчаницата на својата идна снаа Никола Пелц, пишуваат британските медиуми.
Викторија претходно го дизајнираше жолтиот фустан што го носеше актерката на денот на свршувачката со Бруклин Бекам.
Според „Дејли меjл“, Никола самата ја замолила Викторија да го дизајнира нејзиниот свадбен фустан, а поранешната спајс девојка го прифатила тој предлог со воодушевување.
Никола пред неполни два месеца се вери со Бруклин Бекам, најстариот син на Викторија и Дејвид Бекам.
Тие најавија дека сакаат да се венчаат што побрзо, а Бруклин веќе ја нарекува Никола „сопруга“ на објавите на социјалните мрежи.