Викторија Бекам, модна дизајнерка и сопруга на Дејвид Бекам, наскоро ќе почне со промоција на својот нов „lifestyle“ бренд кој ќе биде конкуренција на брендот „Goop“ чиј основач е Гвинет Палтроу.

Сопругата на фудбалерот Дејвид Бекам со години е позната во модната индустрија со својот бренд што го носи нејзиното име. Сега, извори блиски до Бекам велат дека таа ќе ги користи само нејзините иницијали за новите козметички и „life style“ производи.

Викторија ја сподели веста на својот Инстаграм профил каде има над 28,7 милиони следбеници.

„Тајната за мојата сјајна кожа? #Наскоро #VBGlow“, напиша Викторија споделувајќи нова фотографија на која се истакнува нејзиниот беспрекорен тен.

Нејзините обожаватели беа воодушевени од веста за новите производи. Бекам има искуство во ова, а нејзиното влијание се шири надвор од границите на Велика Британија. Чекорот да лансира нови прозиводи во Америка е смел, но како што тврдат извори блиски до Викторија, таа сигурно ќе успее да го „завладее“ меѓународниот пазар.