Виктор Ангелов одлучи да ја продолжи професионалната кариера во редовите на Широки Бријег кој што претходно беше предводен од нашиот тренер Гоце Седлоски.

Потпиша договор на една година, со можност за продолжување на истиот на уште една година (1+1).

– Среќен сум поради тоа што потпишав НК Широки Бријег. И претходно, додека овој клуб го водеше Гоце Седлоски, имаше одредени разговори за мое доаѓање, а сега ја финализиравме нашата соработка. Слушнав убави зборови за клубот. Запознаен сум со амбициите на Широки, со години е во врвот на босанскиот фудбал и дојдов тука да помогнам во остварувањето на тие цели – рече Ангелов по потписот на договорот.

Ангелов претходно пред да се пресели на Чаир, настапуваше уште за Работнички, Тетекс, Металург и унгарскиот клуб Ујпешт.

Лани во Првата лига имаше учинок од 27 натпревари со реализирани седум голови и запиша четири асистенции. Беше дел од У17, У19 и У21 селекцијата, а запиша и еден настап за сениорите.