Викендов централни митинзи на Силјановска и Пендаровски во Скопје – Слободен печат
ВестиМакедонија

Викендов централни митинзи на Силјановска и Пендаровски во Скопје

Главниот град викендов ќе биде домаќин на двајца претседателски кандидати.

Централни митинзи ќе одржат викендов во Скопје кандидатите за претседател поддржани од СДСМ и од ВМРО-ДПМНЕ, Стево Пендаровски и Гордана Силјановска.

Според најавата од изборниот штаб Силјановска – Давкова, вечерва таа ќе има централен митинг пред Владата во Скопје. За утрешната агенда на Силјановска се најавени митинзи во Свети Николе и Велес.

Кандидатот за иден шеф на државата, кој ја има поддршката од СДСМ и коалицијата, Пендаровски централниот настан во оваа претседателска кампања ќе го одржи утре во 14 часот пред зградата на ЕУ Инфо Центар.

Пендаровски денеска ќе има средби со граѓани во Конче, Радовиш, Босилово, во Ново Село, каде ќе се одржи граѓанска трибина, а за вечерва во Струмица е најавен граѓански митинг.

Претседателскиот кандидат Блерим Река, кој доби поддршка од БЕСА и Алијансата на Албанците денеска ќе одржи митинг во Гостивар, а завршната конвенција е најавена за 18 април во Тетово.

Во досегашната кампања меѓу клучните теми за кои кандидатите изнесуваа свои ставови беа Договорот од Преспа, перспективите за членство на државата во НАТО и ЕУ, проблемот со миграцијата на младите, но и дневно политички теми.

Кампањата официјално почна на 1 април, а ќе трае до 19 април, по што следува 24-часовен изборен молк пред денот на гласањето во првиот круг, закажан за 21 април.
Парламентарното собрание на ОБСЕ ќе распореди речиси 50 набљудувачи, вклучувајќи и 31 пратеник во земјава следната недела за претседателските избори.

Претседавачот на ОБСЕ го назначи францускиот парламентарец Серејн Мауборн за специјален координатор кој ќе ја води краткорочната набљудувачка мисија на ОБСЕ. Австрискиот парламентарец Реинхолд Лопатка, пак, ќе ја предводи делегацијата на набљудувачи од Парламентарното собрание на ОБСЕ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close