Најдобриот тенисер на светот Новак Ѓоковиќ денеска ќе започне настапот на АТП турнирот во Виена, а прв противник ќе му биде неговиот сонародник и добар пријател, Филип Крајиновиќ.

Планирано е овој српски дуел да се игра на централниот терен во Австрија, значи некаде околу 15.30 или 16.00 часот, со оглед на тоа што програмата ќе стартува во 14.00 часот.

– Овој град има голема енергија и среќен сум што ќе играм во Виена – вели Ѓоковиќ.

Победникот во второто коло ќе игра против Хрватот Борна Чориќ, а во четвртфиналето подобриот би можел да се сретне со Душан Лајовиќ кој турнирот ќе го отвори против „лаки лузерот“ Лоренцо Сонегo во вечерен термин.

Viele Grüße an alle Fans, die heute das Training von außen verfolgt haben ?❤️??. Diese Stadt hat eine sehr gute Energie und ich freue mich riesig hier zu spielen. Auf geht’s! ?? #ErsteBankOpen @ErsteBankOpen pic.twitter.com/Adpxs0H7pA

— Novak Djokovic (@DjokerNole) October 26, 2020

Резултатот е 1:1 во меѓусебните дуели помеѓу Ѓоковиќ и Крајиновиќ. Првпат играа во 2010 година кога Ѓоковиќ го предаде мечот во вториот сет во Белград, а втората пресметка ја имаа оваа година во Рим кога првиот светски рекет славеше со 2:0 во сетови.

Воедно овој меч е важен за Ноле поради големата зацртана цел – рушење на Рожер Федерер по бројот поминати недели на првото место на АТП листата, како и израмнување на рекордот на Пит Сампрас по бројот на години завршени на лидерската позиција. До оваа втора цел на Ѓоковиќ му се потребни уште две победи, односно 90 поени.