Во последните години продавниците за пари никнуваат како печурки кај нас, маркетинг понудите за тоа дека многу лесно и едноставно можете да позајмите пари се редовни на телевизиските канали, радиостаниците, порталите…  Станаа ли брзите кредити нормална појава во Македонија? Дали нашите граѓани користат брз кредит и за што најчесто им е потребен? Дали и зошто се одлучиле за тоа да земат брз кредит и најпосле какво е нивното искуство, дали би го препорачале брзиот кредит како опција?

„Слободен печат“ направи анкета на оваа тема.

– Јас не сум земал никогаш брз кредит, нели беше тоа едно време нелегално?! Не знам што се случи и како одеднаш почнаа да се рекламираат брзите кредити како нешто нормално и ефикасно. Според мене, тоа е многу голема грешка за општеството. Сите што ги знам што имаат искуство со брз кредит, не поминале лесно – вели еден од анкетираните.

Друга госпоѓа со нас сподели дека еднаш земала брз кредит.

– Моето искуство со брз кредит беше добро, но сигурно за оние луѓе за кои се пролонгира враќањето на парите не е лесно – рече таа.

Погледнете ја целата анкета во продолжение: