Врне и започнува и метежот низ главниот град. Автомобили, нервозни возачи, нема автобуси, затнати канализации. „Слободен печат“ ги праша граѓаните како дождот влијае на метежот во градот и како утрово стигнаа на работа?

Најголем дел од скопјани велат дека кога има вакви поројни дождови во Скопје, градот се блокира, метежот во сообраќајот е огромен.

-Мислам дека во иднина надлежените треба да подразмислат малку, како да се регулира овој метеж- вели скопјанец.

Госпоѓа објаснува дека и кога не врне е метеж, дождот дополнително ја комплицира работата.

-Живеам во Автокоманда, а работам во Центар, моето патување до работа беше 35 минути денес-вели скопјанец.

Скопјанка вели дека цел час кружеле по обиколница.

-Тоа беше катастрофа. Секаде беше блокирано- вели таа.

За инфраструктурата на градот велат дека не е соодветна за справување со дождовите.

– Ниту една одводна шахта не работи, улиците „пливаат“ од секаде- вели скопјанка.

Целата анкета на колешката Агнеса Чаволи погледнете ја во продолжение: