Доцнат автобуси, нема линии, се исклучуваат автобуси од редовни линии. Јавниот градски превоз е голема болка за скопјани. „Слободен печат“ ги праша граѓаните дали користат јавен градски превоз и колку се задоволни од него? Најголем дел од одговорите се дека воопшто не се задоволни, нема никаква информација кога и како доаѓаат автобусите, а голем дел од анкетираните најчесто одат пешки.

-Многу чекаме автобуси, автобусите не доаѓаат – вели скопјанка.

Момче од Прилеп вели дека доцнат автобуси, многу е лоша културата и сообраќајот, многу луѓе се собираат во еден автобус.

Анкетираните реагираат и околу цените на ноќните билети.

-Погледнете само, не можете да поминете на улица, по тротоар не можете да газите бидејќи коли се паркирани. Тие наплаќаат пари. Наплаќаат паркинг, а народот треба да оди по улица. Што е во ред во оваа држава? – прашува скопјанец.

Анкетата ја направи нашата колешка Агнеса Чаволи.