Колку граѓаните се задоволни од такси услугите? Што мислат за такси превозниците и дали мислат дека нивните услуги се финансиски достапни за секого? „Слободен печат“ праша, а граѓаните го кажаа своето мислење.

Денес, возењето со такси претставува „луксуз“ за поголем дел од граѓаните. Во спроведената анкета, речиси сите анкетирани не преферираат да се возат со такси, односно, тоа го прават навистина ретко.

– Ретко се возам со такси. Регистрираните такси компании се супер, но ако се возите со „диви таксисти“ може и да настрадате – рече еден случаен минувач.

Во поглед на финансиите, граѓаните избегнуваат да се возат со такси поради високите цени.

-Јас сум пензионер, според нашите примања, возењето со такси е скапо – рече анкетираната.