Денеска во САД се одржуваат претседателски избори. „Слободен печат“ ги праша граѓаните дали ги следат претседателските избори во САД и дали нешто ќе сменат тие за Македонија? Одговорите поделени – некои ги следат, некои не се заинтересирани.

– Да, ги следам, активно ги следам. Доналд Трамп ќе победи, јас сум фан на Републиканската партија – вели еден млад студент.

Според него, републиканците едноставно се подобри од демократите.

– Тоа се гледа од далеку. Беа на власт Демократите со Бајден, тоа беше срамота – вели тој.

Млада девојка вели дека изборите во САД многу не ја интересираат.

– Не сум баш по политика, но мислам дека многу малку би влијаеле за Македонија. Мислам дека би можело да има промена – вели таа.

Младо момче објаснува дека изборите во Америка никогаш не смениле ништо во земјава и нема ни сега ништо да сменат.

– Се работи за глобална политика. Интересите се глобални и воспоставени и зацртани одамна. Така што, дали ќе биде овој претседател или оној, апсолутно ништо нема да се смени – вели тој.

Анкетата ја сними нашата колешка Агнеса Чаволи.