ВИДЕО: Златан на сцената на Санремо излезе со турбо фолк песна
Еден од најстарите и најзначајните музички фестивали во светот е популарниот Санремо кој се одржува од 2. до 6. март, а еден од специјалните гости е напаѓачот на Милан, Златан Ибрахимовиќ кој веднаш го украде шоуто.
Фудбалерот четири дена ќе биде дел од музичкиот фестивал, а уште на првото појавување ги воодушеви фановите во регионов.
Имено, Златан Ибрахимовиќ на бината излезе со хит песната на српската пејачка Нада Топчагиќ „Јутро је“.
NADA TOPČAGIĆ ZLATAN IBRAHIMOVIC – JUTRO JE – SAN REMO 2021 IDEMOOO pic.twitter.com/jt3jQ3zEx3
— ULIČNI KREDIBILITET (@venenozan7) March 2, 2021
Златан не е првиот фудбалер кој е гостин на Санремо, пред него се појавија и Роберто Баџо, Франческо Тоти, Антонио Касано, а утревечер ќе има можност да ги покаже своите вокални квалитети и тоа во дует со тренерот на Болоња, Синиша Михајловиќ.
– Ќе пропушти неколку тренинзи, но ќе биде тука за натпреварите. Доколку постои шампин кој е способен да го издржи овој притисок, тогаш тоа е Златан. Дури мислам дека ова ќе му ја зголеми мотивацијата – изјави тренерот на Милан, Сетфано Пиоли.