ВИДЕО: Зидан сигурно се чуди, Јовиќ двоен стрелец за Ајнтрахт!

Фото: EPA-EFE/RONALD WITTEK/POOL

Само што се врати во поранешниот клуб Ајнтрахт Франкфурт, веднаш блеска српскиот интернационалец Лука Јовиќ.

Потсетување дека во бундеслигашката екипа дојде како позајмица (до крајот на сезоната) од Реал Мадрид каде што не успеа да се избори за место во стартниот состав на Зинедин Зидан.

Токму поради партиите покажани во Ајнтрахт направи трансфер во Реал (за 63 милиони евра), а еве сега повторно им донесува радости на навивачите на оваа германска екипа. Денеска во 16 коло од Бундеслигата на домашен терен успеаја да го совладаат Шалке со 3:1.

Во 62 минута при резултат 1:1 Јовиќ во игра влезе како замена за Дурм и веднаш се покажува како вистинско решение во нападот на тренерот Хутер. Двапати стрелаше во 72 и 91 минута, а двапати асистент беше неговиот сонародник Костиќ.

На табелата Ајнтрахт Франкфурт после шестата победа (четврта по ред) се наоѓа на седмото место со 26 бодови, само три помалку од третопласираниот Баер Леверкузен, и може да биде сериозен кандидат за едно од местата кои водат во групите на Лигата на шампионите.

ВИДЕО: Баерн се опорави од шокот, минимално против Фрајбург!

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот