ВИДЕО: Жота продолжува да брилјира, Ливерпул му одржа фудбалска лекција на Лестер

epa08836542 Diogo Jota (front) of Liverpool celebrates after scoring the 2-0 during the English Premier League soccer match between Liverpool FC and Leicester City in Liverpool, Britain, 22 November 2020. EPA-EFE/Jon Super / POOL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.

Фудбалерите на Ливерпул во едно од дерби пресметките во деветтото коло од Премиер лигата со убедливи 3:0 го совладаа Лестер.

Играчите на актуелниот англиски шампион доминираа на теренот на „Енфилд“ од првата па се до последната минута и доколку фортуната беше на нивна страна, можеа до врв да ја наполнат мрежата на вечерва очајниот Лестер.

Ова беше шести триумф за Ливерпул сезонава и со 20 бода се искачи на делба на лидерската позиција на табелата заедно со Тотенхем, додека Лестер заедно со Челси имаат по два бода помалку и се наоѓаат веднаш зад нив.
За тоа беше доминантен Ливерпул иако играше без болниот Мохамед Салах, и повредените дефанзивци Ван Дајк и Александер-Арнолд, најдобро покажува статистиката, „црвените“ упатија 23 шута кон голот на Шмајхел додека гостите шутнаа само девет пати, а од 12 удари во рамките на голот – три завршија во мрежата на гостите.


Ливерпул поведе во 21. минута со автоголот на Џони Еванс, а две минути подоцна Харви Барнс имаше можност да израмни но неговиот шут заврши покрај голот на Алисон.

„Црвените“ во 41. минута го зголемија водството откако по центаршутот на Енди Робертсон, Диого Жота налета на топката и со глава ја смести во голот.
Конечниот резултат го постави Роберто Фирмињо во 86. минута по корнерот кој го изведе Џејмс Милнер,откако претходно прописно се испромашува на овој натпревар.
Во наредното деветто коло, Ливерпул му гостува на Брајтон, додека Лестер на домашен терен игра против Фулам.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот