ВИДЕО: Жива ракометна легенда, „проектилот“ на Лазаров против Финска!
Македонската сениорска репрезентација ја совлада Финска со 33:24 на стартот од квалификациите за пласман на Европското првенство во 2022 година.
Најефикасен во нашите редови беше капитенот Кирил Лазаров со реализирани 11 погодоци.
Европската ракометна федерација (ЕХФ) одвои еден од неговите прекрасни голови, а еве што вели во својата објава за најискусниот македонски ракометар:
Living legend Lazarov@LazarovKiril7, as always, does the business for #NorthMacedonia tonight in their #ehfeuro2022 Qualifier against @finnhandball.#watchgamesseemore pic.twitter.com/WTPAWxKtfG
— EHF EURO (@EHFEURO) November 4, 2020
– Жива легенда! Кирил Лазаров, како и секогаш, ја завршува работата за Македонија, вечерва во нивниот евроквалификациски натпревар против Финска – напишаа од ЕХФ.
И гостинскиот селектор на Финците, Ола Линдгрен истакна дека ова беше тежок меч за нив:
– Имавме добар старт, но потоа имавме многу исклучувања и тоа ни направи проблеми. Нивните пивоти ни создадоа многу непријатности, бидејќи не сме навикнати да играме против некои големи и силни играчи. А како надополнување на тоа, секако, Лазаров е играч од светска класа – вели Ола Линдгрен.
Нашите најдобри играчи својот втор меч од квалификациите ќе го имаат в сабота (7 ноември) со почеток од 18.30 часот против Швајцарија на гостински терен.