Денеска на програмата беа вкупно три натпревари од 10 коло во најсилното италијанско првенство, Милан ја продолжува победничката серија, овојпат на домашен терен со 1:0 го совлада Торино.

Единствениот погодок за „росонерите“ го реализираше Жиру во 14 минута после асистенцијата на босанскиот интернационалец Круниќ.

Клубот на „Сан Сиро“ е повторно на лидерската позиција во Серија А со моментно 28 бодови, три повеќе од „наполитанците“ на второто место.

Сега на потег е Наполи на македонскиот репрезентативец Елиф Елмас кој својот меч од оваа рунда ќе го има за два дена пред своите навивачи против Болоња.

Салернитана славеше на гостувањето кај Венеција (1:2), а Џенова ремизираше 1:1 против Специја. Нашиот напаѓач Горан Пандев при негатива влезе во игра од 70 минута, а неговиот клуб успеа да израмни во 86 минута од пенал кој го реализираше Кришито.

Веќе подолг период Џенова нема триумф, се наоѓа во опасната зона за испаѓање на 18 место со седум бодови.