ВИДЕО| Жешко лондонски дерби: Кејн во 96. минута му ја украде победата на Челси, Конте и Тухел во клинч

Хари Кејн во 96 минута постигна гол со кој Тотенхем се спаси од пораз/фото: EPA-EFE/ANDY RAIN

Фудбалерите на Челси и Тотенхем играа во првото големо дерби во новата сезона во Премиер лигата, а по доста тензии на теренот и надвор од него и конфликтот на двајцата тренерот, натпреварот заврши без победник 2:2. Челси стана без победата во 96 минута кога Хари Кејн погоди за конечни 2:2.

„Сините“ одлично го започнаа натпреварот и поведоа уште во 19 минута со голот на Калиду Кулибали кој со одличен удар по корнерот на Кукуреља го совлада Уго Лорис.

Фудбалерите на Челси и во продолжението од средбата имаа иницијатива и беа подобар тим на теренот, но не успеаја да постигнат втор гол. Во второто полувреме, менаџерот на Тотенхем, Антонио Конте, ја промени формацијата и тоа им вроди со плод. Пјер Хојберг во 68 минута погоди за 1:1, но претходно судијата не досуди прекршок над Хаверц и со тоа ги подреа тензии.


Конте голот на Хојберг го прослави така што му се внесе во лице на Тухел, кој пак збесна и нивниот вербален дуел донесе неколкуминутен прекин.

Само пет минути подоцна, Тухел му возврати на Конте по голот на Рис-Џејмс за водство од 2:1 на Челси. И кога изгледаше дека Челси ќе слави, а навивачите на „сините“ почнаа со прославата на трумфот, Хари Кејн во 96 минута беше највисокот во скокот и со прецизен удар со глава погоди за конечни 2:2.

Крајот на натпреварот донесе нов дуел на Конте и Тухел. И двајцата тренери си подадоа рака, а Тухел имаше нешто да му каже на Конте, но за среќа беше спречен поголем инцидент, а двајцата менаџери добија црвени картони.

Видео на денот