Во првиот гем од вториот сет, земјотрес го стресе Акапулко, каде се одвива турнирот од серија 500.

Во полуфиналето на турнирот во Мексико германскиот тенисер Александер Зверев со резултат 2:0 во сетови 6:4 и 7:6 (5) го елиминираше сонародникот Доминик Кепфер.

За титулата во Акапулко Зверев ќе ги одмери силите против Гркот Стефанос Циципас кој беше подобар од Италијанецот Лоренцо Мусети со 6:1 и 6:3.

Земјотрес се случи за време на мечот помеѓу Зверев и Кепфер во полуфиналето на АТП турнирот во Акапулко, но тоа не ги спречи двајцата Германци кои до крај го одиграа поенот. А после истиот и тие беа свесни дека нешто се случи и чекаа да се смири тлото.

Патем, ова е посериозен земјотрес кој го имаше својот епицентар на брегот на Пацификот, каде што е и Акапулко. Земјотресот бил со јачина од 5,7 степени според Рихтеровата скала, а епицентарот бил скоро 30 километри под земјата.