ВИДЕО: Земјотрес ја погоди северозападна Турција, најмалку 35 повредени
Силен земјотрес утрово ја погоди северозападната турска провинција Дузче во кој се повредени 35 луѓе, соопшти турскиот министер за здравство Фахретин Коџа.
Тој на Твитер напиша дека вкупно 32 лица се повредени во Дузче, каде бил епицентарот на земјотресот, а три лица се повредени и во провинциите Истанбул, Болу и Зонгулдак.
A magnitude 6.0 Earthquake has struck an area of western Turkey near the town of #Duzce, about 210km (130 miles) east of #Turkey largest city #Istanbul.#istanbuldeprem #kayseri #deprem #düzce #Earthquake pic.twitter.com/LrfDOCEgZG
— Himanshu dixit 💙 (@HimanshuDixitt) November 23, 2022
Коџа додаде дека еден од повредените во Дузче е во критична состојба.
Турскиот министер за внатрешни работи Сулејман Сојлу, кој пристигна во Дузче веднаш по земјотресот, рече дека нема жртви.
The intensity of the earthquake was reflected on the security camera in Bolu#Turkey #istanbul #ankara #deprem #Earthquake pic.twitter.com/QpC0meFUyi
— ابرار بٹ (@ibrarbutt621) November 23, 2022
Турската Агенција за управување со катастрофи и вонредни состојби (АФАД) соопшти дека земјотрес со јачина од 5,9 степени според Рихтеровата скала, чиј епицентар бил областа Гољака, се случил во 4:08 часот наутро.
Како што пренесе Анадолија, земјотресот се случил на длабочина од 6,81 километри.
По земјотресот, регистрирани се вкупно 18 последователни потреси. Во регионот како мерка на претпазливост се воведуваат прекини на струја, соопшти АФАД.
https://twitter.com/search?q=turkey%20earthquake&src=typed_query
Гувернерот на Дузче Џевдет Атај најави дека училиштата денеска ќе бидат затворени поради земјотресот.
Во 1999 година, провинцијата Дузче беше погодена од земјотрес со јачина од 7,2 степени според Рихтер, кој траеше 30 секунди, во кој загинаа 710 луѓе, а беа повредени 2.679 лица.