ВИДЕО | Зебра побегна од зоолошка во Сеул, со часови лутала по улиците
Зебра била вратена во зоолошката градина во главниот град на Јужна Кореја, Сеул, откако поминала три часа на слобода. Машката зебра, по име Серо, што на корејски значи вертикала, побегнала од зоолошката градина Гранд Парк во Сеул во четвртокот попладне, пренесува „Би-Би-Си“.
Полицијата, пожарникарите и вработените во зоолошката биле вклучени во обидот безбедно да ја фатат зебрата. Видеата објавени на интернет го покажаа животното како поминува покрај густиот сообраќај.
Videos and pictures emerging of a zebra on the loose in the streets of Seoul today pic.twitter.com/UntZ4uRbvu
— Hyunsu Yim (@hyunsuinseoul) March 23, 2023
Серо, исто така, бил виден како лутал по улиците на градот пред да биде фатен од властите. Младата зебра, која се родила во зоолошката градина во 2021 година, наводно побегнала откако ја скршила дрвената ограда, велат од противпожарната станица во Сеул.
Серо на крајот бил фатен од официјални лица користејќи заштитна ограда откако влегол во тесни улички. Тој бил смирен пред да биде однесен назад во зоолошката градина.
Официјален претставник на Зоолошката градина Гранд Парк изјави за „АП“ дека зебрата била прегледана од ветеринари и е во стабилна состојба. Во зоолошката се сместени повеќе од 400 животни од 38 видови.