Претседателството на Азербејџан денеска ги повика ерменските сепаратистички сили во Нагорно Карабах да го положат оружјето, оценувајќи дека тоа е услов за почеток на преговорите.

„Нелегалните ерменски вооружени сили мора да го подигнат белото знаме, да го предадат оружјето и нелегалниот режим мора да биде распуштен. Во спротивно, антитерористичките операции ќе продолжат до крај“, соопшти Азербејџанското претседателство.

Тие денеска соопштија дека започнале „антитерористички операции“ против ерменските сили во Нагорно Карабах, област спорна меѓу двете земји.

Набргу потоа, ерменските сепаратистички власти во енклавата објавија дека главниот град на Нагорно-Карабах, Степанакерт и другите градови во областа биле цел на „тешки напади“.

Локалните власти на Нагорно Карабах вечерва соопштија дека според новиот биланс во конфликтот  загинале пет лица, а 80 се ранети.

Тие  додадоа дека азербејџанската војска во конфликтот користи артилерија, нападни беспилотни летала и борбени авиони.

Министерството за одбрана на Азербејџан претходно соопшти дека започнало операција во регионот Нагорно-Карабах, кој е под контрола на Ерменија. Станува збор за регион кој веќе неколку години е предмет на спорови и конфликти.

⚡️BREAKING: The Azerbaijani Defence Ministry announced the beginning of anti-terrorist measures in #Karabakh "to restore constitutional order." pic.twitter.com/XCpziUiXnn

— KyivPost (@KyivPost) September 19, 2023