ВИДЕО | Загрижувачка снимка од САД: Дете во пелени мавта со вистински пиштол, полицијата го уапси таткото
Безбедносна камера во САД сними мало момче во пелени како си игра со вистински пиштол во станбена зграда, јавуваат американските медиуми. На снимката од безбедносната камера на соседот се гледа како момчето држи пиштол во ходникот на станбена зграда во сојузната држава Индијана и во еден момент го повлекува чкрапалото.
Сепак, од оружјето не бил испукан куршум иако пиштолот бил наполнет. Таткото на детето (45) е уапсен и се очекува попладнево да се појави пред судот на првичното рочиште, јавува „Ен-Би-Си Њуз“. Видеото од апсењето на таткото го сними и емитуваше во живо реалното шоу „Он Патрол“ кое ги следи полицајците на должност.
NEW: Neighbors who saw a toddler in diapers wandering around a Beech Grove, Indiana, apartment complex with a loaded handgun called police. The incident was caught on building cameras. The father – who lied that he didn’t own a gun – was arrested. #inlegis https://t.co/FPpHFNi4rn pic.twitter.com/UGic373G4L
— Shannon Watts (@shannonrwatts) January 15, 2023
Всушност, полицијата дошла до видео на кое се гледа како момче во пелена разиграно се движи низ ходникот на зградата со оружје. Момчето најпрво брзо се движи кон скалите и за момент го вперува пиштолот надолу. Потоа се враќа горе и го вперува пиштолот кон вратата од станот. Во споменатото реално шоу беше прикажана снимката од апсењето на неговиот татко.
Полицијата при апсењето заплени полуавтоматски пиштол „Смит и Весон“ калибар 9 милиметри. На настанот реагираше и градоначалникот на градот, Денис Бакли.
„Како и сите вие, јас сум уништен од она што се случи и многу сум благодарен што никој не беше повреден, особено мало дете. Ја ценам брзата акција на полицијата“, рече Бакли.