ВИДЕО | Заев од Валандово: СДСМ и Костадинов го носат најдоброто, Валандово станува „паметен“ град

Зоран Заев Валандово
Заев дели дека ова е проект на иднината, за развој на Валандово и унапредување на квалитетот на животот на сите граѓани од овој град / Фото: СДСМ

Премиерот и лидер на СДСМ, Зоран Заев денеска беше во Општина Валандово. Од градскиот парк, заедно со кандидатот за градоначалник Перо Костадинов, носителот на листата за советници Владимир Марков, кандидатка за советник Надица Недиќ и претседателот на СДММ Марко Михаилоски, Заев порача дека СДСМ ја има најдобрата понуда и дека со Костадинов ќе продолжат успешните политики кои носат развој на општината.

– Во Валандово овие четири години се работеше вредно, посветено и одговорно, со силна поддршка од локалната власт. Тој континуитет мора да се одржи во следните четири години. Таа силна динамика мора да продолжи. Затоа Перо Костадинов и неговите проекти во Програмата се нашата најдобра понуда. Меѓу проектите предвидени за следните четири години е и проектот Валандово – паметен град. Инсталација на клауд-системи за паметно осветлување, поставување на смарт-клупи (паметни клупи) во урбаните зони, бесплатни wi-fi зони на повеќе локации во Општината, се дел од проектот „Валандово – паметен град“, истакна Заев.

Ова, додаде, е проект на иднината, за развој на Валандово и унапредување на квалитетот на животот на сите граѓани од овој град.

– Од проектите зависи квалитетот на животот на нашиот народ. Каква ни е општината, таков ни е животот, а овде во Валандово со Перо и СДСМ квалитетот на живот постојано се подобрува. Затоа на 17 октомври гласаме за Перо Костадинов и советничката листа на СДСМ, гласаме за број 12 за да продолжи напредокот, рече Заев.

СДСМ вечерва ќе продолжи со предизборно претставување во Дојран, Богданци и Гевгелија.

Извор: МИА

Видео на денот