ВИДЕО | Забава на кров: Рок легендите „Ван Гог“ на 25 јуни со акустичен настап ќе ги забавуваат скопјани

Фото: Слободен печат

Скопје конечно ќе се „размрда“ по спласнувањето на рестриктивните мерки поради пандемијата, а затоа ќе се погрижат легендарните рокери од Белград, членовите на групата „Ван Гог“, кои на 25-ти јуни ќе настапат во македонската престолнина.

Уште повозбудлив е фактот оти овојпат нивната свирка ќе биде на кровот на Сити Мол, а станува збор за акустична свирка во попладневните часови, која на скопјани ќе им понуди опуштање после напорната работна недела.

Настапот на фронтменот Ѕвонимир Ѓукиќ Ѓуле и неговите колеги во акустично издание е во рамките на „Сансет фестивалот“ во Скопје, кој се одржува по третпат кај нас, а се слуша строго акустична музика.

ЕКСКЛУЗИВНО ИНТЕРВЈУ со фронтменот на Ван Гог, Звонимир Ѓукиќ – Ѓуле

Славните „Ван Гог“ чии хитови им се добро познати на македонската публика, последниот настап во живо во Скопје го имаа во 2019 година на „Пиволенд“, а сега по речиси двегодишна пауза повторно ќе се обидат да ни приредат забава за памење, овојпат во малку поинакво руво, но и на поспецифична локација.

Во продолжение погледнете каква порака испратија членовите на „Ван Гог“ во пресрет на акустичната свирка во Скопје:

Видео на денот