ВИДЕО: „Waterloo“ на шведската група „АББА“ прогласена за најдобра евровизиска песна на сите времиња
„Waterloo“, песнатa на шведскиот состав „АББА“, е најдобрата евровизиска песна, според гледачите на Би-Би-Си. Публиката гласала за најдобра песна на виртуелниот натпревар „Eurovision: Come Together“, во организација на овогодинешниот домаќин на овој музички фестивал.
Познатиот квартет од Шведска победи на Евровизија во 1974 година и наскоро стана една од најпопуларните групи во светот, пренесува „cdm.me“.
Песната „Waterloo“ е продадена во скоро шест милиони примероци.
Бјорн Улвеус од групата АББА изјавил дека и по толку години сѐ уште не може да верува каков успех постигнал заедно со неговите колеги. Тој открил дека неодамна неговиот седумгодишен внук го прашал дали е вистина дека тој е поп – ѕвезда затоа што тоа го слушнал од неговите врсници.
Бјорн вели дека Евровизија е настан што ви овозможува да избегате и да бидете среќни и дека тоа е фестивал кој носи радост. Тој смета дека фестивалот е „типично европски“.
Меѓу евровизиските хитови за кои се гласаше беа и евровивизиските песни на Нета, Махмуд, Дан Интернешнл, бендот Бакс Физ и Кончита Вурст.