ВИДЕО: Втор пораз од Португалија, Македонија во април по „билет“ за пласман на ЕП 2024
Денеска во четвртото коло од квалификациите за пласман на Европското првенство во Германија во 2024 година, македонската сениорска репрезентација загуби на гостувањето кај Португалија со 32:27 (15:11).
Португалците кои славеа и пред три дена во Скопје, на две кола до крајот на квалификацискиот циклус, и официјално го обезбедија учеството на следниот континентален собир.
За избраниците на селекторот Кирил Лазаров останува во април да го потврдат пласман на ЕП, односно на 26 април гостуваат кај Луксембург, а четири дена подоцна се домаќини на Турција.
На стартот од денешниот меч имавме водство од 1:3 по погодокот на Костоски. Се играше гол за гол во понатамошниот период, возвратија домаќините со своја позитива од „плус два“ (6:4) по 15 минути игра.
There is not much a goalkeeper can do… 🚀🔥
Check out this powerful shot from Filip Kuzmanovski!#heretoplay #ehfeuro2024 pic.twitter.com/ZOFKZZtSF7— EHF EURO (@EHFEURO) March 12, 2023
Повторно имавме неколку пати минимална предност од 7:8 во 19 минута преку Серафимов, Џонов реализираше за 8:9, Кузмановски за 9:10, па одново Серафимов 10:11 во 22 минута. Добро се држевме до последните пет минути од првиот дел, а потоа Португалија со серија голови која продолжи и во второто полувреме (8:0) како да го скрши сиот отпор на нашите играчи.
Таа низа на погодоци се покажа како клучна за крајниот епилог, Португалците сигурно ја одржуваа предноста, не дозволувајќи им на македонските ракометари да се вратат резултатски во овој меч.
За Португалија по четири голови имаа Итуриза, Мартинс Соареш, Гомеш и Фраде, а на спротивната страна најрасположен беше Кузмановски со 10 голови, пет помалку имаше Серафимов.
На табелата во квалификациската група „1“ води Португалија со осум бодови, по четири имаат Македонија и Турција, а Луксембург е последен (0).