Македонската одбојкарска сениорска репрезентација и по третпат е поразена од Бугарија во пријателските натпревари како темпирање на формата пред јануарските квалификации за ЕП.

Денеска во Софија на гостински терен загубивме со резултат 3:1 во сетови, и повторно како на првите два меча во Скопје, почнавме со предност, но на крајот истата не ја задржуваме.

Првиот сет го освоивме со 25:23, но ривалите на ист начин како во изминатиот период во нашата земја направија целосен пресврт и дојдоа до нов триумф во овие меѓусебни средби.

Вториот сет им припадна на Бугарите (25:18), во третиот беше нешто понеизвесно 25:22, а четвртиот го загубивме со 25:18.

Договорен е уште еден контролен дуел помеѓу овие две репрезентации, в среда исто така во бугарскиот главен град.

Потоа репрезентацијата ќе се врати во Скопје каде што ќе ја финализира формата пред квалификациските натпревари против Турција и против Босна и Херцеговина од 11-до 16-ти јануари во арената „Борис Трајковски“. Првото место сигурно значи пласман на континенталниот шампионат во септември во Полска, во Чешка, во Естонија и во Финска, но реална шанса постои и со второто, затоа што учество во елитата ќе обезбедат и најдобрите пет од второпласираните селекции во седумте групи.

Два порази на македонските одбојкари од Бугарија

ИНТЕРВЈУ Никола  Ѓоргиев: Желба ми е не само пласман, туку и резултат на ЕП