ВИДЕО: Во пожар во куќа во Пенсилванија загинаа десет лица, меѓу кои и три мали деца
Десет лица, меѓу кои три мали деца, вчераутро загинале во пожар во куќа во руралните делови на источна Пенсилванија, соопшти државната полиција.
Британските медиуми пренесуваат дека пожарот избувнал околу 2:45 часот по полноќ во Нескопек, мала земјоделска заедница во округот Луцерн, крај реката Сускехана, во североисточниот дел на Пенсилванија.
Телата на сите 10 жртви се пронајдени во урнатините на куќата.
US: 7 adults, 3 kids dead in Pennsylvania house fire, criminal probe underway
Track latest news updates here https://t.co/Wvk5xWQQmg pic.twitter.com/iejLSrfPxM— Economic Times (@EconomicTimes) August 6, 2022
Меѓу загинатите има седум возрасни лица на возраст од 18 до 79 години, заедно со тројца малолетници – две момчиња на возраст од пет и шест години и едно седумгодишно девојче, соопшти локалната полиција.
Три возрасни лица ја напуштиле куќата неповредени, се додава во соопштението на полицијата.
Firefighter fears as many as 10 of his relatives have died in Pennsylvania house blaze https://t.co/Y7lZTSVKzB
— usa share news (@usasharenews) August 6, 2022
Засега нема официјални детали за околностите или причините за пожарот, што ја уништил двокатницата.
