Во Словенија и во Хрватска денес падна првиот снег. Во Словенија најмногу врне на повискоките места додека на крајбрежјето врне дожд, пренесува СТА.

Бела покривка има и на планината Динара, како и во хрватската престолнина Загреб. Сепак, најмногу снег паѓа во Лика и Горски Котор. Таму, дебелината на снегот изнесува дури и над 15 сантиметри.

Поради снежните наноси во Хрвтастка се создадоа и бројни проблеми во сообраѓајот. Тамошните медиуми јавуваат дека сообраќајот е во колапс. Во моментов нема прооден пат за камиони со приколки и трактори со полуприколки од правецот на внатрешноста кон Далмација, хрватскиот брег или Истра и обратно.

Хрватските автопатишта (ХАЦ) ги повикаа возачите да го приспособат возењето во услови на снег, особено предупредувајќи ги да не ги престигнуваат плуговите пред кои патот е секогаш нечист.

Снегот ги покри и ски центрите во Босна и Херцеговина. Љубителите на зимските спортови веројатно ќе се израдуваат бидејќи според временската прогноза обилниот снег продолжува да паѓа и не се топи.