ВИДЕО: Свлечиште затрупа автобус во Колумбија, загинаа најмалку 27 луѓе
Најмалку 12 лица загинаа во лизгање на земјиште при што е затрупан автобус во северозападна Колумбија, во провинцијата Рисаралда, соопштија колумбиските власти.
„За жал, 12 лица загинаа, петмина се спасени, а спасувачите работат на извлекување на останатите тела од автобусот”, изјави Виктор Мануел Тамајо, гувернер на Рисаралда
Претседателот на Колумбија, Густаво Петро, подоцна изјави дека „најмалку 27 луѓе“ загинале во несреќата, пренесе „Би-би-си“.
Колумбија е погодена од обилна дождовна сезона, под влијание на временскиот феномен Ла Нињо, а досега загинаа повеќе од 216 лица, 48 лица се уште се водат како исчезнати, додека 538.000 луѓе останаа без своите домови поради несреќи предизвикани од врнежите.