ВИДЕО| Во Грција во еден ден избувнале 52 пожари, огнот се шири кон морето
Слабеењето на ветровите во текот на ноќта и помогна на грчката противпожарна служба да контролира неколку пожари во различни делови на земјата, иако утринава пожарникарите се уште се борат со пожарот во Фокис и на Пелопонез.
Според Противпожарната служба, само во понеделникот избувнале 52 пожари предизвикани од силниот ветер и високите температури, пренесува грчкиот весник „Катимерини“.
Еден од нив е пожарот во подножјето на планината Парнас во Фокис, каде што огнот сè уште гори низ областа под маслиновите градини и се дели на неколку фронтови додека се пробива кон морето.
Impressive air support up for massive fire threatening villages in Achaia, North Western Peloponnese. Evacuations underway. Plenty of water in that lake for the thirsty Airtractors, Canadair and Aircrane. https://t.co/kN2uSzJDbM pic.twitter.com/iyNEReVZI4
— Nomadpossum 🐟🇬🇷 🇦🇺 (@nomadpossum) July 3, 2022
„Во текот на ноќта ни помогна слабеењето на ветровите. Загрижени сме за делот зафатен со пожар од Итеа до Аја Ефтимија“, изјави заменик-гувернерот Јоргос Делмозос.
Тој додаде дека денеска се очекува зголемена воздушна поддршка во натамошното гаснење на пожарот.
Како што соопштија од Противпожарната служба, во гаснењето на пожарот биле ангажирани 140 пожарникари со 43 возила, а од воздух помагале четири авиони и еден хеликоптер.
Fires still blazing in Fokida and Peloponnese, as another tough day dawns https://t.co/2bEx92x9dY pic.twitter.com/qMPyEyz2dE
— Kathimerini English Edition (@ekathimerini) July 5, 2022
Се очекува уште еден тежок ден, бидејќи веќе четврти ден по ред е зголемен ризикот од шумски пожари, соопшти Националната метеоролошка служба.
Во понеделникот попладне избувна пожар на Закинтос, во шумска област во областа Камби, на северната страна на островот, кој го гаснат 30 пожарникари со 12 возила, авион и два хеликоптери.
Посебна внимателност ќе биде потребна и денеска, бидејќи се предвидува многу висок ризик од пожар во регионите на Атика, Централна Грција, Пелопонез, Западна Грција и Северно Егејско Море, наведува Катемерини.
Greece: Wild fires starting again, here in Kranidi / Peloponnese (Argolida). View from nearby hotel. https://t.co/UsJEINVz6I
— mathias wolf (@Mathias8Wolf) July 4, 2022