ВИДЕО | Вистински херој: Куче спаси жена која сакала да си го одземе животот
Животните играат многу значајна улога во животот на луѓето. Доказ за тоа е и оваа несекојдневна ситуација во која едно куче беше прогласено за херој затоа што помогнало да се спаси жена која сакала да си го одземе животот.
Противпожарната и спасувачка служба „Девон и Сомерсет“ соопшти дека Дигби, куче кое „работи со нив“ во вторникот помогнало да се смири ситуацијата на мост над автопатот „М5“ кај Ексетер, Англија.
Кучето, кое работи со екипите на противпожарната служба ѝ помогнало на жената, која се согласила да соработува со службите за итни случаи по средбата со кучето, пишува „Independent“.
Hero dog Digby 😍
The therapy dog helped a young woman who was thinking of taking her own life. On #BBCBreakfast handler Matt Goodman explains what happened ⤵️https://t.co/kHtV9OM29h pic.twitter.com/IdQn5U4XKP
— BBC Breakfast (@BBCBreakfast) June 17, 2021
Во серија објави на социјалната мрежа „Твитер“, портпаролот на противпожарната служба изјави дека тимот пристигнал на местото каде полициските преговарачи разговарале со жената и станувале „сè позагрижени“ за ситуацијата.
„Некој од противпожарната екипа дошол до идеја да го земе со себе Дигби, нашето „дефузивно“ куче“, велат тие.
Кучето претходно било користено за да помогне во терапевтски разговори за работници кои биле изложени на траума.
„Кога пристигна Дигби, младата жена веднаш ја сврте главата да го погледне и се насмевна“, додаде портпаролот.
„Ја прашаа дали би сакала да дојде и да се сретне со Дигби ако се врати преку оградата и ние сме среќни да кажеме дека таа го направи тоа“, вели портпаролот.
Службата за противпожарна и спасувачка служба Девон и Сомерсет изјави дека на жената ѝ посакува се најдобро во закрепнувањето.