ВИДЕО | Велосипедист висеше над провалија, го спаси негов конкурент
Голем инцидент се случи на велосипедската трка во Франција,„Etoile de Bessèges“, за среќа инцидентот не заврши со трагичен крај.
Во еден момент од трката велосипедистите дојдоа до мост на кој немаше место за сите, па дојде до судир на повеќемина учесници. Најлошо помина Валентин Ферон кој се преврте и остана на оградата да виси над длабоката провалија.
Ферон имаше среќа затоа што неговиот конкурент Аксел Лараунс го спаси да падне.
„Се обидов да направам се што можам и да го избегнам падот, но едноставно не успеав и наеднаш се најдов со рацете на ѕидот и нозете во воздух. Аксел ми помогна да се вратам на патеката и многу сум му благодарен“, изјави Ферон по трката.
Поради големиот број повредени велосипедисти во инцидентот организаторот одлучи да ја прекине трката.
💥Dura caída masiva en la Etapa 2 de la Etoile de Bességes 2023 🇫🇷 #EDB2023 #EtoiledeBesseges #Ciclismo #Noticiclismo pic.twitter.com/mgS9e2HVXX
— NotiCiclismo ➡ 🇪🇸 #VCV2023 (@Noticiclismo1) February 2, 2023