ВИДЕО: Веќе нема дилеми, Ах Ахли го промовираше Алиоски

Алиоски ова лето е играч на Ал Ахли/ фото: EPA-EFE/Vadim Ghirda

Македонскиот фудбалски репрезентативец Езџан Алиоски од денеска и официјално е член на тимот од Саудиска Арабија, Ал Ахли. Клубот денеска на својот официјален профил на Твитер го промовираше Алиоски како ново засилување за следната сезона.

– Здраво навивачи, семејстов на Ал Ахли, јас сум Езџан Алиоски. Денеска е специјален ден, денеска е роденден на претседателот Маџер. Г-дине Маџер среќен роденден и уживајте во денот со семејството. Исто така денеска е посебен ден за мене, возбуден сум што започнувам ново патешествие со Ал Ахли и наскоро се гледаме во Џеда – порача Алиоски во видео пораката која ја објави тимот од Саудиска Арабија.

Алиоски минатата сезона ја одигра во дресот на Лидс, но откако ми истече договорот тој си замина од премиерлигашот и беше пред потпис со турскиот гигант Галатасарај. Но, неговото доаѓање во последен момент го стопира тренерот Фатих Терим, по што македонскиот репрезентативец одлучи да потпише за Ал Ахли.

Видео на денот