Актуелниот шампион ЛА Лејкерс со 128:97 го победи Голден Стејт вориорс во натпревар во кој доминираше Леброн Џејмс. Ѕвездата на лејкерси имаше трипл-дабл од 22 поени, 10 скокови и 11 асистенции, а имаше голема помош во Мотрез Харел и неговите 27 поени.

На Голден Стејт не му помогна ниту одличната игра на Стеф Кари кој постигна 27 поени.

LeBron James is the first player in NBA history with 10 triple-doubles after turning 35 years old. pic.twitter.com/1woPe77mOW

— StatMuse (@statmuse) March 16, 2021

Вториот тим од Лос Анџелес, клиперси како гости го совладаа Далас маверикс со 109:99.
На Далас не му помогна ниту одличната игра на Лука Дончиќ кој наптреварот го заврши со 25 поени, 10 скокови и 16 асистенции.
Во „битката за Њујорк“, Бруклин благодарение на одличната игра на Кајри Ирвинг и Џејмс Харден со 117:112 го совлада Њујорк никс. Ирвинг постигна 34 поени, додека Харден имаше трипл-дабл од 21 поен, 15 скокови и 15 асистенции.

The first 15p/15r/15a game in franchise history belongs to JAMES. HARDEN. pic.twitter.com/il4nPyjKRs

— Brooklyn Nets (@BrooklynNets) March 16, 2021

Трипл-дабл оствари и Јанис Адетокумпо во триумфот на неговиот Милвоки над Вашингтон од 133:122. Јанис постигна 31 поен на кои им придодаде и 15 скокови и 10 асистенции.

For the FIRST TIME in franchise history, Giannis has a dropped three consecutive triple-doubles!! pic.twitter.com/xGD8PEA3Cb

— Milwaukee Bucks (@Bucks) March 16, 2021

Денвер нагетс со 121:106 ја совладаа Индијана пејсерс, а вообичаено прво име на натпреварот беше Никола Јокиќ со 32 поени, 14 скокови и пет асистенции. Одлучувачки момент за триумфот беше одличната игра во последната четвртина која кошаркарите на Денвер ја добија со 34:15 и ја забележаа шестата победа во последните седум натпревари.

Резултати:
Шарлот – Сакраменто 122:116
Вашингтон – Милвоки 122:133
Бруклин – Њујорк 117:112
Детроит – Сан Антонио 99:109
Далас – ЛА Клиперс 99:109
Денвер – Индијана 121:106
Феникс – Мемфис 122:99
Голден Стејт – ЛА Лејкерс 97:128