Сирискиот град Алепо, кој е разурнат од војна, е меѓу областите кои се најпогодени од денешните смртоносни земјотреси, кои опустошија и делови од јужна Турција.

Спасувачките тимови за итни случаи соопштија дека многу згради се оштетени или уништени и оти под урнатините има заробени луѓе.

На видео снимка објавена на социјалните мрежи, се гледаат згради кои се уриваат како кула од карти, а мајки со деца во прегратка, во паника бегаат низ улиците во Алепо.

Las secuelas del terremoto en Alepo, Siria. Después de años de bombardeos por parte de Rusia y el régimen, muchos edificios ya están dañados y es muy probable que se derrumben. Horror sobre horror. pic.twitter.com/VqCYRaKasq

— Blackbreadcrums🇨🇴🇺🇦🇱🇷🇩🇿🇦🇫 (@banpercie) February 6, 2023

На друга снимка пак сега гледа како човек спасува бебе извадено од под урнатините.

CATÁSTROFE EN 🇸🇾SIRIA | Una mujer dio a luz entre los escombros en Alepo. #RochexRB27 #earthquake #Sismo #Temblor #Turkey pic.twitter.com/OCwVKO7kN8

— Rochex Rababel Robinson Bonilla (@RochexRB27) February 6, 2023

Во регионот живеат милиони бегалци раселени поради граѓанската војна.

Тоа е едно од местата под контрола на сириската влада, која сè уште се бори против опозициските сили. Делови од околните села се под контрола на бунтовниците.

Многу области во градот веќе беа урнати во конфликтот пред да се случи земјотресот.

Во северна Сирија досега се регистрирани повеќе од 1.000 загинати во земјотресот.

Како што јави Би-Би-Си, не е сосема јасно колку жртви има во Алепо.