ВИДЕО | Ужасни поплави во Пакистан: Над 580 луѓе загинаа, а милиони живеат во мизерија
Над 580 луѓе загинаа, а уште илјадници ги загубија своите домови како резултат на ужасните поплави во Пакистан.
Речиси милион луѓе се погодени од силните дождови кои траат од почетокот на јули, пишува „Гардијан“.
Најтешко погодени се провинциите Балуџистан, Хајбер Пахтунхва и Синд, а до петок се предвидуваат уште повеќе обилни врнежи низ Пакистан.
Од почетокот на јули, над 40 луѓе загинаа во Карачи како резултат на обилните дождови.
Уништени се над 570 училишта, а пријавени се и случаи на колера.
Главниот министер на Белуџистан, Кудус Безињо, повика за поголема поддршка од федералната влада и од меѓународните донатори.
„Никој не видел такви дождови во својот живот“, рече тој.