Португалците го играат својот последен подготвителен натпревар пред почетокот на Европското првенство вечерва во Лисабон на стадионот „Хозе Алваладе“.

Актуелниот европски шампион води со 2:0 против Израел по првото полувреме со головите на Бруно Фернандеш и Кристијано Роналдо.

За предност во 42 минута реализираше Фернандеш по одличната асистенција на Кансело. Две минути подоцна асистент беше Фернандеш, а голот за 2:0 го постигна Роналдо.

Роналдо беше во центарот на вниманието само неколку минути пред Португалците да ги реализираат своите погодоци на денешниот дуел.

Имаа слободен удар од околу 25 метри, а топката ја постави Роналдо како и обично, иако неговите слободни фрлања во претходните години беа очајни.

Роналдо не се прослави во претходните години од слободните удари, но не се откажува од намерата тој да ги изведува од натпревар во натпревар. Така беше и овој пат, но сега се посрамоти еден од најдобрите играчи во светот.

Последниот гол од слободен удар Роналдо го имаше во септември минатата година во мечот помеѓу Швајцарија и Португалија.

Што се однесува до статистиката во клубот последен пат противничката мрежа од слободен удар успеал да ја погоди во јули 2020 година против Торино, и тоа му беше единствениот гол од слободен откако во летото 2018 година се пресели од Реал Мадрид во Јувентус.