ВИДЕО | Уште едно сурово убиство на девојка во Иран: Без хиџаб се упати кон полицијата која испука шест куршуми кон неа

Фото Твитер

Хадис Наџафи, 20-годишна жена застрелана и убиена од безбедносните сили на Иран, стана најновиот симбол на трагедијата, изливот на тага и пркосот што ги карактеризира националните протести во Иран од нивното започнување на 16 септември, пишуваат иранските медиуми.

Новинарката и застапничка за правата на жените Масих Алинеџад ја објави смртта на Наџафи на 25 септември, објавувајќи го нејзиното име и видео од неа заедно со деталите за нејзината смрт: шест пати застрелана од властите откако си ја врза косата без шамија и смело зачекори среде протестот во Карај.

Сликите и видеото на Хадис се широко споделени на социјалните мрежи. Според извештаите на медиумите, таа се здобила со повреди во стомакот, вратот, срцето и раката на 21 септември. По нападот на безбедносните сили била пренесена во болницата Гаем, каде подоцна починала.

„Имаше само 20 години“, рече сестрата на Хадис. „Нејзиното срце беше скршено за Махса Амини. Таа рече дека нема да молчи. Ја убиле со шест куршуми“.

Речиси 200 милји подалеку во Рашт, се појавија извештаи дека студент по археологија уапсен за време на протестите не добил пристап до медицински третман откако претрпел напад со нож во затворот Лакан во Сабзе Мејдан, Рашт.

Семејството на Алиреза Гамгосар, кој студира на Универзитетот Кашан, вели дека тој сега се лекува во клиника. Тие велат дека Гамгасар им рекол за време на телефонскиот разговор на 25 септември дека бил прободен во грб откако бил приведен на 21 септември. Нема детали за нападот, ниту за тоа кој го избодел.

Официјалните медиуми во Иран објавија дека 35 лица загинале за време на неодамнешните протести, но неиранските медиуми и други неофицијални извештаи инсистираат на тоа дека бројот на загинати е многу поголем.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот