ВИДЕО: Удинезе сигурен на „Дачија Арена“, Несторовски не настапи ни против Кремонезе
После три натпревари без победа во Серија А, Удинезе повторно ги израдува своите навивачи со домашен триумф над Кремонезе со 3:0.
И во овој меч македонскиот репрезентативен напаѓач Илија Несторовски беше помеѓу резервите во тимот од Удине, но и овојпат остана на клупата.
Сите голови беа постигнати во првото полувреме, стрелци беа Самарџиќ, Перез и Саксес.
Екипата предводена од тренерот А. Сотил по 10 победа сезонава е на деветтото место со 42 бодови, додека Кремонезе е на претпоследната 19 позиција со 19 бодови.
Во следното коло Удинезе на 28 април ќе му гостува на Лече, додека Кремонезе два дена подоцна ќе ја пречека Верона.