Шпанската полиција заплени повеќе од два тони кокаин и уапси 12 лица, наводно, поврзани со мрежа на шверцери на дрога кои имаат врски во Парагвај и Бразил, јавуваат тамошните медиуми. 

Според шпанската полиција, членовите на криминалната група се обиделе да ги сокријат своите траги со легитимни зделки, а истрагата, која траела повеќе од една година, кулминирала со заплена на 2,28 тони кокаин скриен во пратка од 40.000 килограми јаглен во пристаништето Алгесирас во јужна Шпанија, пренесува „Си-Ен-Ен“. 

Пред една година, полицијата идентификуваше двајца членови на таа криминална група во Мурсија и Севиља кои наводно се занимавале со легален бизнис за увоз на јаглен од Јужна Америка, а поради пандемијата, групата го преместила својот бизнис од Барселона во Алгесирас кон средината на април минатата година.

Лидерите на криминалната мрежа регрутирале луѓе да работат пред увозните компании за да ја сокријат нивната вмешаност, а парите ги переле во Валенсија.

?Desarticulada una organización dedicada al tráfico internacional de #cocaína a gran escala

La operación se ha realizado en las provincias de #Cádiz, #Cuenca, #Madrid, #Málaga, #Murcia, #Sevilla, #Tarragona y #Valencia

12 detenidos y más de 2.000 kilos de cocaína intervenidos pic.twitter.com/gDxM2Nxzx8

— Policía Nacional (@policia) January 18, 2021

Тие исто така користеле криптовалути за да ги прикријат парите, како и многу криминални групи од Источна Европа и Јужна Америка.

За време на истрагата, полицијата прислушувала повеќе од 100 телефони и ги следела осомничените во бројни шпански провинции. За време на истрагата, извршен е претрес во 16 куќи и компании.

Од 12 уапсени лица, шестмина беа приведени, додека шестмина се ослободени под посебни услови.