ВИДЕО: Триумф за Пандев и Џенова, Наполи даде експресен гол па прими три од Верона

epa08962190 Genoa's Mattia Destro (L) celebrates with teammate Lennart Czyborra after scoring his team's first goal during the Italian Serie A soccer match Genoa CFC vs Cagliari Calcio at Luigi Ferraris stadium in Genoa, Italy, 24 January 2021. EPA-EFE/SIMONE ARVEDA

Екипата на Џенова ја оствари втората победа во последните три меча во Серија А, овој пат славеше со 1:0 против Калјари. Човек на одлука беше Матија Дестро во десеттата минута од натпреварот.
Капитенот на македонската репрезентација, Горан Пандев, во игра влезе во 62. минута и тоа токму на местото на стрелецот на голот, Дестро.


За разлика од Пандев, Елиф Елмас кој исто така влезе во игра во второто полувреме, на крајот доживеа убедлив пораз од Верона од 3:1.
Наполи фантастично го започна натпреварот, поведе уште во првата минута со голот на Ирвин Лозано, но потоа прими дури три гола и доживеа пораз. Димарко во 34. минута израмни на 1:1, а во второто полувреме Верона дојде до победата благодарение на головите на Барак и Закањи. Елмас во игра влезе во самиот финиш, во 83. минута на местото на Пјотр Зиелински.

Актуелниот шампион Јувентус експресно се рехабилитира за поразот од Интер минатата недела и со 2:0 ја совлада Болоња. Стрелци на голвоите беа Артур во 15. и Меккени во 71. минута.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот