ВИДЕО: Тригодишно девојче извлечено живо 65 часа по земјотресот во Измир, спасена и тинејџерка
Повредено тригодишно девојче е спасено денеска, 65 часа по катастрофалниот земјотрес кој го погоди егејскиот брег на Турција, во регионот на Измир, објави турската агенција Анадолу.
Елиф Перинек е извлечена од под урантините дури три дена по потресот, и е 106-тото лице кое е извлечено живо. Таа е итно префрлена во болница, а властите изразија задоволство што го спасија малечкото девојче.
Спасено 3-годишно девојче/ Измир, Турција Извор: Anadolu Agency/ Лиценцирано видео
Инаку 23 часа по земјотресот мајката на Елиф Сехер Дерели Перинек и нејзините браќа близнаци, 10-годишните Езел и Елзем Перинек, како и 7-годишниот брат Умут Перинек исто така се извлечени од под урнатините. Но, Умут почина отпосле, додека мајката и нејзините деца се на лекување во болница.
Неколку часа пред тоа, спасувачите добија аплауз откако од урнатините ја извлекоа 14-годишната Идил Сирин, која ја спасија 58 часа по замјотресот. Нејзината осумгодишна сестра Ипек не преживеа, објави телевизијата НТВ.
Претходно спасувачките служби и кучињата трагачи спасија и куче кое беше заробено под урнатините 65 часа.
Куче спаси куче/ Измир, Турција Извор: Anadolu Agency/ Лиценцирано видео
Турција е меѓу земјите со највисока сеизмичка активност и постојано ја погодуваат страотни земјотреси со човечки жртви и материјална штета.
Спасено 3-годишно девојче/ Измир, Турција Извор: Anadolu Agency/ Лиценцирано видео