Денеска нов триумф забележа екипата на АЕК Ларнака која на домашен терен со 3:0 ја оправда фаворитската улога против Паеек.

Македонскиот напаѓач Иван Тричковски игра феноменално оваа сезона, и на денешниот дуел се запиша во листата на стрелците.

Во 12 минута после асистенцијата на Еспиноза нашиот поранешен репрезентативец со глава ја испрати топката во гостинската мрежа за водство од 1:0.

Тричковски веќе има седум голови од шест настапи и доколку продолжи во ваков ритам можно е да го надмине својот рекорд на постигнати голови во шампионатот. Најмногу погодоци имаше во сезоната 2019/20 вкупно 20, лани 16, а во сезоната 2018/2019 вкупно 15 голови.

После четвртата победа сезонава во најсилното кипарско првенство АЕК Ларнака е на првото место со 14 бодови, два повеќе од второпласираниот Аполон кој својот меч ќе го има в недела.