-Сложени се проблемите и во винарството и во лозарството. Сложени се затоа што е факт дека ние сме мала земја и иако мислиме дека сме голем производител на вино, ние сме мали во светски рамки и во суштина она што малку се разбира е дека ние сме подложни на она што се случува на светскиот пазар со виното. Значи нашите проблеми се рефлексија на она што се случува на меѓународните пазари, , изјави во Утрински брифинг Јордан Трајков, сопственик на винарската визба „Попова кула“, кој додава дека само кога тоа ќе се има предвид, може да се разберат проблемите и може да се изгради некаква стратегија за понатамошен развој.

Трајков вели дека ние како држава сме идеално позиционирани на тој т.н вински каиш.

-Имаме идеална географска ширина, каде што е Македонија, Тоскана, Бордо, значи најдобрите вински региони. Таков е и тиквешкиот вински регион. Имаме предуслови за да произведеме добро грозје и добро вино, но јас велам дека имаме маркетингшки предизвик., а тоа дека ние не сме познати во светот и пред нас претстои една маркетингшка борба за да му докажеме на меѓународниот пазар дека ние имаме одлично вино.

-Кога одиме на наливно вино, додадената вредност што се враќа назад во Македонија е многу мала, која што не дава можности за развој. Само доколку продаваме во шише има можност да се врати некоја додадена вредност во Македонија и да размислуваме за равој на винарството и на лозарството. Лозарството и винарството не треба да се гледаат одвоено, туку напротив заедно, додава Трајков.

-Значи основниот наш проблем е што сѐ уште немаме освоено доволно големи меѓународни пазари каде што можеме да го пласираме нашето вино во шише, потенцира Трајков.

Проследете го целиот разговор во видеото