Или Македонија ќе биде една изборна единица без изборен праг или ДС нема да ја гласа новата влада. Истото важи и за програмата на Владата. За барањата на малите политички партии во денешен Утрински брифинг разговаравме со претседателот на Демократски сојуз, Павле Трајанов.

-Таа влада покрај тоа што треба да се справува со енергетската криза и евроинтеграциските процеси треба да има има и програма која ќе се спроведе и ќе покаже резултати, вели Траханов. -Ние испорачавме кои се нашите приоритети. Заедно со другите помали партии одамна бараме Македонија да биде една изборна единица оти од нас зависи дали ќе биде изгласана владата или не. Ние имаме конкретен предлог за тоа уште од март минатата година и очекуваме за ова набргу да се закаже седница. За прагот може да преговараме, но сметаме дека во првиот круг прагот треба природно да се формира, вели Трајанов.

-Неколку пратеници, 7, 8 или 11 зависи, одржавме средба која се одржа пред камерите и се усогласивме. Од сите мали партии зависи дали ќе останеме цврсти и единствени за прашањето Македонија да биде единствена изборна единица. Така се гарантира демократија. Не значи дека ако има мали партии и поединци во Собранието Владата нема да биде стабилна. И сега не е стабилна, вели Трајанов.

Трајанов вели дека ДС бараат сите монтирани процеси да се преразгледаат за да биде испорачана правда. Тој потсетува дека не се испорача правда како што барале демонстрантите со слоганите „Нема правда нема мир“. Трајанов вели да се проверат предмети каде е злоупотребен АКМИС системот, било изманипулирано и злоупотребено прислушувањето, судски одлуки кои се донесени врз лажно сведочење и слично.

Проследете го целиот разговор во видеото